Гадаад паспорт шинээр захиалж авах

2022-11-13


Австри Улсад байнга оршин суугаа Монгол Улсын иргэний гадаад паспортын хугацаа дуусах, ямар нэг шалтгаанаар алдаж vрэгдvvлэх, гэмтээсэн тохиолдолд Е серийн буюу үндэсний энгийн гадаад паспорт шинээр захиалан авч болно.
Гадаад паспорт шинээр захиалан авахад бүрдүүлэх бичиг баримт:

1. “Гадаад паспорт шинээр авах мэдүүлэг татан авч, үнэн зөв, бүрэн гүйцэд бөглөсөн байна. (Хэвлээд гараар бөглөх хувилбар татах)

2. Гадаад паспорт авах тухай хүсэлтээ илэрхийлсэн ЭСЯ-ны нэр дээр гаргасан өргөдөл татан авч, үнэн зөв, бүрэн гүйцэд бөглөсөн байна. (Хэвлээд гараар бөглөх хувилбар татах)

(Өргөдлийг монгол хэлээр гаргах бөгөөд өргөдөлдөө өмнө хэрэглэж байсан паспортаа алдаж үрэгдүүлсэн, эсхүл гэмтээсэн бол шалтгааныг тодорхой тусгаж, өөрийн амьдарч буй хаяг, холбоо барих утасны дугаар, e-mail хаягийг тодорхой бичсэн байна)

3. Паспортаа алдаж үрэгдүүлсэн тохиолдолд үүнийг магадласан цагдаагийн байгууллагын тодорхойлолт/ бүртгүүлсэн тухай бүртгэлийн хуудас

4. Одоо ашиглаж байгаа гадаад паспорт байхгүй тохиолдолд (3) иргэний цахим vнэмлэх, шинээр төрсөн хүүхдэд захиалах тохиолдолд төрсний гэрчилгээний хуулбарыг хавсаргана.

5. Сүүлийн 3 сарын дотор авахуулсан 531 x 413 pixel хэмжээтэй зургийг .JPEG өргөтгөлтэй файлаар илгээх. Эсвэл www.photo.burtgel.gov.mn цахим хуудаст өөрөө хуулж оруулах боломжтой.

(Цагаан дэвсгэртэй, малгай, алчуур, нүдний шилгүй, эгц урдаасаа харсан, чих, духны хэсэг ил гарсан, зурагнаас буулгаагүй, дүрэмт хувцасгүй авахуулсан зураг байх ёстой, зурагт тавигдах шаардлагыг дор зургаар үзүүлэв.)

6. Үйлчилгээний хураамж шилжүүлсэн баримт (Үйлчилгээний хураамж цэснээс харна уу)

Тайлбар:

  • ЭСЯ гадаад паспортыг өөрөө шууд олгодоггүй бөгөөд хүсэлт гаргагчаас ирүүлсэн материалыг Улсын бүртгэлийн ерөнхий газарт хүргүүлдэг.
  • Гадаад паспорт сунгалтын үйлчилгээ хийгдэхгүй тул гадаад паспортын хугацаа дуусч байгаа бол шинэ гадаад паспорт захиалж авна.
  • Хүсэлт гаргасан иргэнд гадаад паспорт олгох эсэх асуудлыг Улсын бүртгэлийн ерөнхий газар материал хүлээн авсан өдрөөс хойш 7-14 хоногт шийдвэрлэдэг бөгөөд олгох тохиолдолд паспортын бичилтийг хийж, баталгаат шуудангаар ЭСЯ-д ирүүлдэг.
  • ЭСЯ-нд хэвлэгдэн ирсэн паспортыг тамга, гарын үсгээр баталгаажуулж, хүсэлт гаргагч иргэнд олгоно. Энэ процедурын ажлаас шалтгаалж шинээр паспорт авахад дунджаар 1-2 хүртэлх сарын хугацаа шаардагддаг болно.

Анхаарах зүйлс:
1. Гадаад паспорт шинээр болон дахин авч буй иргэд Иргэний шинэчилсэн бүртгэл (биеийн давхцахгүй өгөгдлийн)-д бүртгүүлсэн байх ёстой. Бүртгүүлэх шаардлагатай эсэхээ иргэний үнэмлэхний хүчинтэй хугацааг шалгаж мэдэх боломжтой. Тодруулбал, 16 нас хүрсэн иргэн иргэний үнэмлэх аваагүй бол, эсвэл 25 болон 45 нас хүрсэн иргэн шинэчилсэн бүртгэлдээ дахин хамрагдаж иргэний үнэмлэхээ сунгуулаагүй бол гадаад паспорт олгогдохгүй юм.
2. Хуучин паспорт алга болсон тохиолдолд шинэ паспорт дээр Австри Улсын виз шилжин тавигдахгүй бөгөөд паспорт өөрчлөгдсөнтэй холбогдон визийн ямар нэг зөрчил байсан бол тухайн зөрчил хэвээр үлддэг болохыг анхаарах нь зүйтэй. Алдагдсан болон гэмтсэн паспорт олон улсад хүчингүй болж зарлагдах тул дахин ашиглах боломжгүй.
3. Шинээр гадаад паспорт захиалж авахад 45-60 хоног хүртэл хугацаанд хүлээгддэг.
4. Гадаад паспорт шинээр авах мэдүүлгийг буруу, эсхүл дутуу бөглөсөн байдаг. Ихэвчлэн ургийн овгоо бичдэггүй. Үүнээс шалтгаалан иргэд шинэ паспорт захиалж паспортоо 3-аас 6 сар хүртэлх удаан хугацаагаар хүлээх тохиолдол гардаг. Монгол Улсын иргэний үнэмлэх аваагүй хүмүүсийн хувьд өөрсдийн ургийн овгоо /Боржигон, Тайж, Хөх морьт зэрэг/ мэдэхгүй тохиолдол гарч байна. Энэ тохиолдолд паспорт мэдүүлж буй иргэн өөрийн эцгийн овгийг авч явдаг гэдгийг анхаарах хэрэгтэй.

​​​​​​​